बाख्रा पालनबाट इतिहास रच्दै २२ वर्षिय युवा ।। २२ वर्षको उमेरमै करोडौको म...

Osho||प्रेम,विवाह और परिवार||osho discorse about family and marriage

Rangi Saari Gulabi (Dadra) - Shobha Gurtu

नेपाल टेलिकमका आकर्षक २२ हिउँदे अफरहरु

नेपाल टेलिकमले २२ आकर्षक अटम अफर उपलब्ध गराउने भएको छ । आजैबाट लागु हुने उक्त अफर आगामी पौष २८ गते सम्म लिन सकिने छ । 

१. ह्याप्पी विकेन्ड प्याक 

जीएसएम/सीडीएमए प्रिपेड/पोष्टपेड मोबाइलमा ह्याप्पी विकेन्ड प्याक अफर प्रयोग गर्न सकिन्छ । ह्याप्पी विकेन्ड प्याक अन्तर्गत शुक्रबार, शनिबार र आइतबार प्रत्येक दिन १ जीबी डाटा प्रयोग गर्न सकिने छ । सो प्याक एक सय रुपैयाँमा प्राप्त हुनेछ र सात दिनसम्म यसको समयावधि हुनेछ ।

२. अल टाइम डाटा प्याक
जीएसएम प्रिपेड/पोष्टपेड तथा सीडीएमए प्रिपेड/पोष्टपेड मोबाइलमा अल टाइम डाटा प्याकेज प्रयोग गर्न सकिन्छ । यस अन्तर्गत कम्पनीले उपलब्ध गराएका विभिन्न प्याकेजमा ५० प्रतिशत थप बोनस डाटा उपलब्ध गराउने भएको छ । 

अब थप बोनस समेत गरी अल टाइम डाटा प्याक अन्तर्गत १० रुपैयाँमा एक दिनसम्म चौबिसै घण्टा उपभोग गर्न पाउने गरी २३ एमबी डाटा उपलब्ध हुनेछ । त्यसैगरी २५ रुपैयाँमा सात दिनसम्म चौबिसै घण्टा उपभोग गर्न पाउने गरी ७५ एमबी डाटा उपलब्ध हुनेछ । ५

० रुपैयाँमा २८ दिनसम्म चौबिसै घण्टा उपभोग गर्न पाउने गरी १५८ एमबी डाटा, १ सय रुपैयाँमा २८ दिनसम्म चौबिसै घण्टा उपभोग गर्न पाउने गरी ५१० एमबी डाटा, २०० रुपैयाँमा २८ दिनसम्म चौबिसै घण्टा उपभोग गर्न पाउने गरी १०८८ एमबी डाटा, ३०० रुपैयाँमा २८ दिनसम्म चौबिसै घण्टा उपभोग गर्न पाउने गरी १९१३ एमबी डाटा र ५०० रुपैयाँमा २८ दिनसम्म चौबिसै घण्टा उपभोग गर्न पाउने गरी ४५०० एमबी डाटा उपलब्ध हुनेछ ।

३. नाइट टाइम भोलुमवेस्ड डाटा प्याक

जीएसएम प्रिपेड/पोष्टपेड तथा सीडीएमए प्रिपेड/पोष्टपेड मोबाइलमा नाइट टाइम भोलुमवेस्ड डाटा प्याक प्रयोग गर्न सकिन्छ । यसमा पनि थप ५० प्रतिशत बोनस डाटा उपलब्ध हुनेछ ।  थप बोनस समेत गरी नाइट टाइम भोलुम वेस्ड डाटा प्याक अन्तर्गत अब ५ रुपैयाँमा ६८ एमबी डाटा १ दिन सम्म प्रयोग गर्न सकिने छ ।

त्यसैगरी ४५ रुपैयाँमा ६३८ एमबी डाटा ७ दिन सम्म र ३०० रुपैयाँमा ७६८० एमबी डाटा २८ दिनसम्म चलाउन पाइने छ । नाइट टाइम भोलुमवेस्ड डाटा प्याक राती १० बजेदेखि बिहान ६ बजेसम्म चलाउन पाइने छ ।

४. अनलिमिटेड नाइट टाइम डाटा प्याक 

जीएसएम/सीडीएमए प्रिपेड/पोष्टपेड मोबाइलमा अनलिमिटेड नाइट टाइम डाटा प्याक प्रयोग गर्न सकिन्छ । अनलिमिटेड जीएसएम/सीडीएमए नाइट डाटा प्याक अन्तर्गत १५ रुपैयाँमा १ जीबी डाटा राती १० बजेदेखि बिहान ६ बजेसम्म चलाउन पाइने छ ।

डाटा खरिद गरेको एक दिन सम्म यसको अवधि हुनेछ । त्यसैगरी ८५ रुपैयाँमा ७ दिन सम्म र २४० रुपैयाँमा २८ दिनसम्म अनलिमिटेड १ जीबी डाटा राती १० बजे देखि विहान ६ बजे सम्म प्रयोग गर्न सकिन्छ । उपरोक्त सवै प्याकमा १ जीबी डाटासम्म थ्रिजी÷फोरजीको गतिमा चल्ने छ र त्यसपछि २५६ केबीपीएसको गतिमा अनलिमिटेड चल्ने छ ।  

५. अल टाइम सोसियल मिडिया डाटा प्याक

अल टाइम सोसियल मिडिया डाटा प्याक अन्तर्गत सामाजिक सञ्जाल फेसबुक, इन्स्टाग्राम, ह्वाट्सएप र ट्वीटर चलाउन सकिने छ । यसमा पनि थप ५० प्रतिशत बोनस डाटा उपलब्ध हुनेछ । थप बोनस समेत गरी ५ रुपैयाँमा ३० एमबी डाटा १ दिन, २५ रुपैयाँमा १३५ एमबी डाटा ७ दिन र १०० रुपैयाँमा ६७५ एमबी डाटा २८ दिनका लागि उपलब्ध हुनेछ । त्यसैगरी २०० रुपैयाँमा १५०० एमबी डाटा २८ दिन समयावधिका लागि उपलब्ध हुनेछ । 

६. अल टाइम डाटा स्ट्रिमिङ प्याक 

जीएसएम तथा सिडिएमए प्रिपेड/पोष्टपेड मोबाइलका लागि अल टाइम स्ट्रिमिङ प्याक अन्तर्गत युट्युब र वाउटाइम एप्स चलाउन सकिने छ । यसमा पनि थप ५० प्रतिशत बोनस डाटा उपलब्ध हुनेछ । थप बोनस डाटा समेत गरी ११५ रुपैयाँमा १९५० एमबी डाटा भोल्युम प्राप्त हुनेछ ।

यो प्याकेज २८ दिनको अवधिसम्म प्रयोग गर्न सकिने छ । त्यसैगरी ४५ रुपैयाँमा ६०० एमबी डाटा ७ दिन अवधिका लागि र १० रुपैयाँमा १५० एमबी डाटा १ दिनका लागि उपलब्ध हुनेछ । 

७. अल टाइम फोरजी डाटा प्याक

अल टाइम जिएसएम फोरजी डाटा प्याकमा पनि थप ५० प्रतिशत बोनस डाटा उपलब्ध हुनेछ । थप बोनस डाटा समेत गरी १२ रुपैयाँमा ३८ एमबी डाटा १ दिनका लागि, ५० रुपैयाँमा २५५ एमबी डाटा ७ दिनका लागि र १०० रुपैयाँमा ६०० एमबी डाटा २८ दिनका लागि उपलब्ध हुनेछ । त्यसैगरी २०० रुपैयाँमा १५३६ एमबी, ३०० रुपैयाँमा २६१२ एमबी र ५०० रुपैयाँमा ४६०८ एमबी डाटा २८ दिन समयावधिका लागि उपलब्ध हुनेछ । 

८. जीएसएम थ्रिजी÷फोरजी एक जीवी प्रतिदिनको डाटा प्याक

जीएसएम थ्रिजी/फोरजी एक जीबी प्रति दिन डाटा प्याक अन्तर्गत ४५ रुपैयाँमा १ जीबी डाटा १ दिनका लागि, २५० रुपैयाँमा ७ जीबी डाटा ७ दिनका लागि र ८५० रुपैयाँमा २८ जीबी डाटा २८ दिनका लागि उपलब्ध हुनेछ । यसमा प्रतिदिन २० मिनेट स्ट्रिमिङ प्याक बोनसको रुपमा प्राप्त हुनेछ ।

९. अल टाइम भ्वाइस प्याक     

जीएसएम तथा सीडीएमए प्रिपेड/पोष्टपेड मोबाइलमा भ्वाइस प्याक अन्तर्गत एक दिनका लागि १० रुपैयाँमा ११ मिनेट भ्वाइस कल प्राप्त हुने व्यवस्था गरिएको छ । त्यसैगरी २५ रुपैयाँमा ३० मिनेटको प्याकेज ३ दिन अवधिका लागि उपलब्ध छ ।

५० रुपैयाँमा ५ दिनका लागि ७५ मिनेट, १०० रुपैयाँमा १० दिनका लागि १९० मिनेट, २०० रुपैयाँमा २८ दिनका लागि ४०० मिनेट र ५५० रुपैयाँमा ६० दिनका लागि ११६० मिनेट कल उपलब्ध गराइएको छ । सो कल नेपाल टेलिकमको नेटवर्क भित्रका लागि मात्र उपलब्ध हुनेछ । 

१०. नाइट टाइम भ्वाइस प्याक

जीएसएम तथा सीडीएमए प्रिपेड/पोष्टपेड मोबाइलमा नाइट टाइम भ्वाइस प्याक अन्तर्गत ५ रुपैयाँमा १ दिनसम्म ३० मिनेट, १२ रुपैयाँमा १ दिनसम्म कम्पनीकै नेटवर्कभित्र असीमित (अनलिमिटेड) समय, २५ रुपैयाँमा ७ दिनसम्म २४० मिनेट र १०० रुपैयाँमा २८ दिनसम्म ११०० मिनेट कल गर्न सकिने छ । सो प्याक राती १० बजेदेखि बिहान ६ बजेसम्म मात्र प्रयोग गर्न सकिने छ ।

११. सीयूजी प्याकेज 

कम्पनीले कर्पोरेट ग्राहकहरुका लागि कन्भज्र्ड सीयूजी (कर्पोरेट युजर ग्रुप) प्याकेज उपलब्ध गराएको छ । जीएसएम/सीडीएमएका प्रिपेड/पोष्टपेड सबैमा यो सुविधा उपलब्ध हुनेछ । यस अन्तर्गत कम्पनीकै नेटवर्कमा जीएसएम/सीडीएमएका प्रिपेड ग्राहकले २०० स्पैयाँमा ६५ मिनेट भ्वाइस कल गर्न तथा १२५ एमबी डाटा चलाउन र २५ वटा एसएमएस पठाउन सक्ने छन ।

त्यसैगरी कम्पनीकै नेटवर्कमा जीएसएम/सीडीएमए पोष्टपेड प्रिपेडका ग्राहकले ४०० रुपैयाँमा १५० मिनेट भ्वाइस कल गर्न, ३०० एमबी डाटा चलाउन र ५० वटा एसएमएस पठाउन सक्ने छन । यो वाहेक ७०० रुपैयाँमा ३०० मिनेट भ्वाइस कल गर्न, ८०० एमबी डाटा चलाउन र १०० वटा एसएमएस पठाउन सकिने छ ।

१००० रुपैयाँमा ४५० मिनेट भ्वाइस कल गर्न, १५०० एमबी डाटा चलाउन र १५० वटा एसएमएस पठाउन, १३०० रुपैयाँमा ६०० मिनेट भ्वाइस कल गर्न, २१०० एमबी डाटा चलाउन र २०० वटा एसएमएस पठाउन तथा १६०० रुपैयाँमा ७५० मिनेट भ्वाइस कल गर्न, २७०० एमबी डाटा चलाउन र २५० वटा एसएमएस पठाउन सकिने छ । 

१२. भिडियो र टिभि प्रतिघण्टा प्याक 

   यस अन्तर्गत २० स्पैयाँमा भिडिओे र टिभि प्रतिघण्टा हेर्न तथा ४०० एमबी डाटा चलाउन सकिने छ । जसमा १५ रुपैयाँको स्ट्रिमिङ र ५ रुपैयाँको वाउ टिभि हेर्न सकिने छ । त्यसैगरी ३५ स्पैयाँमा भिडियो र टिभि २ घण्टा हेर्न तथा ८०० एमबी डाटा चलाउन सकिने छ ।

जसमा २८ रुपैयाँको स्ट्रिमिङ र ७ रुपैयाँको वाउ टिभि हेर्न सकिने छ । साथै ५० स्पैयाँमा भिडियो र टिभि ३ घण्टा हेर्न तथा १२०० एमबी डाटा चलाउन सकिने छ । जसमा ४१ रुपैयाँको स्ट्रिमिङ र ९ रुपैयाँको वाउ टिभि हेर्न सकिने छ । यसको समयाअवधी २४ घण्टाको हुनेछ ।

१३. एसएमएस प्याक 

जीएसएम प्रिपेड/पोष्टपेड तथा सीडीएमए प्रिपेड/पोष्टपेड मोबाइलमा एसएमएस प्याक प्रयोग गर्न सकिने छ । यो प्याक अन्तर्गत ५ रुपैयाँमा १ दिनसम्म उपभोग गर्न पाउने गरी २० वटा एसएमएस र थप २५ प्रतिशत बोनस एसएमएस समेत उपलब्ध गराइएको छ ।

यसरी १५ रुपैयाँमा ७ दिनसम्म उपभोग गर्न पाउने गरी ७० वटा एसएमएस र ६० रुपैयाँमा २८ दिनसम्म उपभोग गर्न पाउने गरी ३०० वटा एसएमएस गर्न सकिने छ र यसमा पनि थप २५ प्रतिशत बोनस एसएमएस उपलब्ध गराइएको छ ।

१४. एफटीटीएच ब्यक्तिगत प्याकेज

नेपाल टेलिकमले एफटीटीएच अन्तर्गत ब्यक्तिगत ग्राहकका लागि विभिन्न प्याकेजको व्यवस्था गरेको छ । ब्यक्तिगत तर्फ ८ एमबीपीएस गतिको एफटीटीएच प्याकेज अन्तर्गत १ महिनाका लागि ८०० रुपैयाँ, ३ महिनाका लागि २३०० रुपैयाँ, ६ महिनाका लागि ४३०० रुपैयाँ र १ वर्षका लागि ८००० रुपैयाँमा  उपलब्ध गराइएको छ ।

त्यसैगरी १८ एमबीपीएस गतिको एफटीटीएच प्याकेज अन्तर्गत ३ महिनाका लागि ४६०० रुपैयाँ, ६ महिनाका लागि ७००० रुपैयाँ र १ वर्षका लागि १२००० रुपैयाँमा उपलब्ध गराइएको छ । साथै ३५ एमबीपीएस गतिको एफटीटीएच प्याकेज अन्तर्गत ३ महिनाका लागि ५७०० रुपैयाँ, ६ महिनाका लागि ९२०० रुपैयाँ र १ वर्षका लागि १६००० रुपैयाँमा  तथा ५५ एमबीपीएस गतिको एफटीटीएच प्याकेज अन्तर्गत ३ महिनाका लागि ६३०० रुपैयाँ, ६ महिनाका लागि १०,३०० रुपैयाँ र १ वर्षका लागि १८,४०० रुपैयाँमा उपलब्ध गराइएको छ ।

१५. एफटीटीएच कर्पोरेट युजर प्याकेज

नेपाल टेलिकमले एफटीटीएच अन्तर्गत कर्पोरेट ग्राहकका लागि विभिन्न प्याकेजको व्यवस्था पनि गरेको छ । कर्पोरेट तर्फ १० एमबीपीएस गतिको एफटीटीएच प्याकेज अन्तर्गत ३ महिनाका लागि १९,५०० रुपैयाँ, ६ महिनाका लागि ३६,८०० रुपैयाँ र १ वर्षका लागि ६९,००० रुपैयाँमा उपलब्ध गराइएको छ ।  

१६. एडीएसएल भोलुम प्याक 

नेपाल टेलिकमले भोलुम वेस्ड एडीएसएल इन्टरनेट प्याकेज ५ एमबीपीएस सम्मको गतिमा १५ जीबी डाटा २०० रुपैयाँमा ३० दिनसम्मका लागि उपलब्ध गराएको छ । त्यसैगरी ५ एमबीपीएस सम्मको गतिमा २५ जीबी डाटा ३०० रुपैयाँमा र ४० जीबी डाटा ४०० रुपैयाँमा ३० दिनसम्मका लागि उपलब्ध गराएको छ ।

१७. एडीएसएल अनलिमिटेड प्याक 

नेपाल टेलिकमले अनलिमिटेड एडीएसएल इन्टरनेट प्याकेज ५ एमबीपीएस सम्मको गतिमा ८०० रुपैयाँमा ३० दिनसम्मका लागि उपलब्ध गराएको छ । त्यसैगरी ५ एमबीपीएस सम्मको गतिमा ४३०० रुपैयाँमा १८० दिनसम्म र ८००० रुपैयाँमा ३६० दिनसम्मका लागि उपलब्ध गराएको छ ।

१८. एक घण्टा अनलिमिटेड प्याक

यस प्याक अन्तर्गत कम्पनीकै नेटवर्कमा जीएसएम÷सीडीएमएका ग्राहकले १८ रुपैयाँमा प्याक एक्टीभ भए पश्चात १ घण्टासम्म भ्वाइस, एसएमएस र डाटा असिमित रुपमा प्रयोग गर्न सक्ने छन् ।

१९. विद्यार्थी अफर

यस अफर अन्तर्गत कम्पनीकै नेटवर्कमा विद्यार्थीहरुले १० रुपैयाँ बराबर कल गर्न, डाटा खरिद गर्न वा एसएमएस गर्न वा यी सवै सेवा प्रयोग गर्न सक्ने छन । त्यसैगरी बाँकि ४० रुपैयाँमा ४० मिनेट कल गर्न, ६० एमबी डाटा खरिद गर्न र २० वटा एसएमएस गर्न सकिने छ । यी सबै सुविधा ३० दिन भित्र उपभोग गरिसक्नु पर्नेछ ।

साथै बोनसको रुपमा कम्पनीकै नेटवर्कमा विद्यार्थीहरुले प्रति महिना ४० मिनेट भ्वाइस कल गर्न, ६० एमबि डाटा चलाउन र २० वटा एसएमएस पठाउन सक्ने छन । यो सुविधा उपभोग गर्ने समयावधी ७ दिनको हुनेछ । प्रति महिना प्राप्त हुने उपरोक्त बोनस ६ महिनासम्म उपलब्ध हुनेछ ।

साथै विद्यार्थीहरुलाई ५० रुपैयाँको रिचार्जमा १० मिनेटको भ्वाइस, ५० एमबी डाटा बोनस उपलब्ध हुनेछ । यो सुविधा उपभोग गर्ने समयावधि ३ दिनको हुनेछ । रिचार्ज बोनस ५० रुपैयाँ वा सो भन्दा माथिको रिचार्जमा उपलब्ध हुनेछ । रिचार्जमा प्राप्त हुने उपरोक्त बोनस एक वर्ष सम्म उपलब्ध गराइने छ ।

२०. इन्डिया कल अफर

नेपालबाट भारतमा कल गर्नका लागि सस्तो दरको प्याकेज लिन सकिने भएको छ । यसका लागि कम्पनीले डेली प्याक, विक्ली प्याक र मन्थ्ली प्याक गरी तिन प्रकारको प्याक अफर ल्याएको छ । डेली प्याक अन्तर्गत ३५ रुपैयाँमा १५ मिनेट कल गर्न सकिने छ ।

सो प्याक १ दिनका लागि मात्र उपलब्ध हुनेछ । त्यसैगरी विक्ली प्याक अन्तर्गत १५० रुपैयाँमा ६५ मिनेट र मन्थ्ली प्याक अन्तर्गत ५०० रुपैयाँमा २१५ मिनेट कल गर्न सकिने छ । यी प्याक क्रमशः ७ दिन र एक महिनासम्म प्रयोग गर्न सकिने छ । 

२१. मिस्ड कल अलर्ट 

यो सेवाबाट सेवाग्राहीको नम्बर व्यस्त भएको अवस्थामा, नेटवर्क नभएको अवस्थामा र स्वीच अफ भएको अवस्थामा कसैको कल आएमा पछि त्यसको वारेमा एसएमएस मार्फत नोटिफिकेसन आउनेछ । यो सेवा लिन मासिक ६ रुपैयाँ शुल्क लाग्ने छ । यो सुविधाको समयावधि ३० दिनको हुनेछ । 

२२. एफटीटीएचमा निःशुल्क भ्वाइस  

एफटीटीएच सेवालाई प्रबद्र्धन गर्न थप ९० दिनसम्म कम्पनीकै नेटवर्क भित्र निःशुल्क भ्वाइस सेवा उपलब्ध गराइएको छ । सो अनुसार यो अफर आगामी माघ ७ गतेसम्म उपलब्ध हुनेछ । यो सेवा पुराना तथा नयाँ ग्राहकलाई उपलब्ध हुनेछ । 

विभिन्न प्याकेज प्राप्त गर्नका लागि ग्राहकले *1415# मा डायल गर्नु पर्ने छ । त्यसैगरी  कम्पनीको वेबसाइट www.ntc.net.np मार्फत पनि यस सम्बन्धी जानकारी लिन सकिन्छ । 

PACKAGE NAME	DESCRIPTION	REMARKS
DATA PACK
A. WEEKEND PACK	1GB/Day	FRIDAY, SATURDAY & SUNDAY
B. UNLIMITED 1 HOUR	DATA, VOICE & SMS	One Hour Unlimited@Rs.18
C. ALL TIME DATA	50% Bonus	As low as 11 Paisa/MB
D. NIGHT DATA PACK	50% Bonus	As low as 4 Paisa/MB
E. UNLIMITED NIGHT DATA	Unlimited	1GB Data Per Day at full speed and at 256 kbps beyond.
F. SOCIAL MEDIA PACK	50% Bonus	As low as 13 Paisa/MB
G. STREAMING DATA PACK	50% Bonus	As low as 6.38 Paisa/MB
H. VIDEO & TVHOURLY PACK	WOWTIME Application. Subscribe hourly pack	Mobile Data Included
I. 4G DATA PACK	50% Bonus	As low as 10.8 Paisa/MB
J. 1GB PER DAY	20 minutes of streaming data as BONUS per day.	As low as Rs. 30.35/GB
VOICE PACK
K. ALL TIME VOICE PACK	Rs 10 to Rs 550	As low as 47.4 Paisa/Min
L. UNLIMITED NIGHT VOICE	Unlimited Call	Rs. 12 for one night
M. NIGHT VOICE PACK	Rs 5 to Rs 100	As low as 9 Paisa/Min
N. INDIA CALL OFFER	India Outgoing Call Offer	As low as Rs. 2.32/Min
ADDITIONAL OFFERS
O. SMS PACK	Rs 5 to Rs 60	As low as 20Paisa/SMS
P. UNLIMITED FTTH OFFER	For Individual and Corporate User	Up to 55Mbps Unlimited
Q. ADSL OFFER	UNLIMITED & Volume Based	Up to 5 Mbps
R. CUG Offer	Corporate users can get this	Prepaid/Postpaid all subscriber can be included.
S. MISSED CALL ALERT	Notification via SMS	Get notified of every call that you miss.
T. STUDENT OFFER	FREE SIM

सम्पूर्ण दुर्गा सप्तशती पाठ (संस्कृत ) (भिडियो सहित)

परिचय

दुर्गा सप्तसती एक स्तोत्र पाठ हो जो संस्कृत भाषामा मन्त्रहरु र माता चण्डी (दुर्गा देवी) को चरित्र कथा रहेको छ। यसै गरी यो पूस्तकमा दुर्गा पूजा विधी होमन विधि आदी कुराहरु लेखिएको छ। यो पूस्तकमा १३ वटा अध्यायहरु छन्। साथै यसमा जम्मा ७०० वटा श्लोकहरुमा चण्डी पाठ सम्पादन गरिएको छ। यसमा दुर्गा कवच, अर्गला स्तोत्र र किलक दुर्गा सप्तसती भन्दा पहिले समावेश गरिएको छ।

पाठ विधी

हुनत दुर्गा सप्तसती कहिलै पनि कहिँ पनि शुभ समयमा पाठ गर्न सकिन्छ तै पनि आश्विन र चैत्रको नवरात्रमा चण्डीपाठको बिशेष महत्व छ। माता दुर्गाको भक्तहरुले बिहान स्नानादी गरेर पवित्र भै शुद्ध आसनमा बस्ने अनि साथमा गंगाजल अथवा शुद्ध जल, पूजन सामाग्री र दुर्गा सप्तसतीको पूस्तकलाई आफ्नो अगाडी काठको रातो कपडाले बह्रेको चौकीमा राख्ने। साथै अर्को चौकिमा माता दुर्गाको प्रतिमालाई विराजमान गराउने, साथै दुर्गा यन्त्र रेसमी रातो कपडामा स्थापित गर्ने, बायाँ तर्फ कलश स्थापना, धुप अगर बत्ती आदी तथा कलशको ठिक अगाडी पट्टी माटाको भाँडामा शुद्ध बालुवा हालेर जमराको लागी जौ बोइदिने। यसैगरी आफ्नो दायाँ पट्टी शुद्ध घिउको दिप प्रज्वलीत गरेर जलले भरिएको शंख राख्ने। मस्तकमा रुची अनुशार रातो चंदन अथवा रोलीको तिलक लगाएर बस्ने। त्यसपछी शुद्धीकोलागी आचमन गर्दा खेरी निम्न लिखित चार मन्त्रहरुको उच्चारण गर्ने। आफ्नो दायाँ हातको हत्केलामा जल लिएर मंत्र पढ्दै जल मुखमा लगाउने अथवा चाख्ने। त्यस पछी हात धुने।

आचमन मन्त्रहरु-

• ॐ ऐँ आत्मतत्वं शोधयामि नम: स्वहा॥ (म आत्मतत्वलाई शुद्धी गर्दै छु, प्रणाम गर्छु र उसको स्तुती गर्दै छु)।
• ॐ ह्रीँ विद्यातत्वं शोधयामि नम: स्वाह॥ (म आफ्नो ज्ञानलाई शुद्ध गर्दै छु, प्रणाम तथा स्तुती गर्छु)।
• ॐ क्लीँ शिवतत्वं शोधयामि नम स्वाह॥ (म शिवतत्वलाई शुद्ध गर्छु, प्रणाम तथा स्तुती गर्दै छु)।
• ॐ ह्रीँ क्लीँ सर्वतत्वं शोधयामि नम: स्वाह॥ (म ब्रह्म तत्वलाई शुद्ध गर्छु तथा प्रणाम गर्छु)। यती गरेर आचमन लिइ सके पछि औँलामा पवित्री (कुशको औँठी) धारण गरेर हातमा जल, फूल, अक्षता, लिएर दुर्गा सप्तसतीको पाठको उद्देश्यको उल्लेख गर्दै पाठ संकल्प गर्नु पर्छ। त्यस पछी दुर्गा सप्तसती को प्रारम्भ र अंतमा शापोद्धार तथा उत्किलन आदीको लागी निर्धारित मंत्रहरुको यथानिर्दिष्ट संख्यामा अथवा दुर्गा कल्पमा चण्डिकाशाप विमोचनको लागी निरुपित 18 मन्त्रहरुमा कुनै एक मन्त्रको 108 पटक जप गर्नु पर्छ।

मन्त्रहरु

• ॐ श्रीँ बुद्धि स्वरुपिण्यै महिषासुरसैन्यनाशिन्यै ब्रह्मवशिष्ठविश्वामित्रशापाद् विमुक्ता भव।

शापोद्धार विषयक मन्त्र (सात पटक जप)

• ॐ ह्रीँ क्लीँ श्रीँ क्रां क्रीँ चण्डिकादेव्यै शापनाशानुग्रहं कुरु-कुरु स्वाहा।

उत्कीलन विषयक मंत्र (एक्काइस पटक जप)

• ॐ श्रीँ क्लीँ ह्रीँ सप्तसती चण्डिके उत्किलनं कुरु-कुरु स्वाह।

मृत सञ्जीवनी विद्या विषयक मन्त्र (सात पटक जप)

• ॐ ह्रीँ ह्रीँ वं वं ऐँ ऐँ मृत सञ्जीवनी विद्ये मृतमुत्थापयोत्थापय किँ ह्रिँ ह्रिँ वं स्वाह।

यहाँ यो ध्यान दिनु पर्छकी सप्तसतीको पाठको प्रारम्भ र अंतमा शापोद्धारका मन्त्रहरुको सात पटक, उत्कीलन मन्त्रहरुको एक्काइस पटक, मृतसञ्जीवनी मन्त्रहरुको सात पटक अथवा दुर्गाकल्पका कुनै पनि मन्त्रको 108 पटक जप अनिवार्य छ। यो विधिलाई न अपनाएर गरिएको दुर्गा सप्तसती पाठको कुनै फल मिल्ने छैन। "दुर्गा सप्तसती" पाठ गर्ने ब्राह्मणको लागी आफ्नो तथा यजमानको हितार्थ शापविमोचन सम्बन्धी मन्त्रहरुको प्रति सावधान रहनु आवश्यक छ। यि मन्त्रहरुको पाठ बिना दुर्गा सप्तसतीको पाठ गरेमा ब्राह्मण र यजमान दुवैलाई क्षति हुन्छ यो एक निश्चीत एवं निर्धारीत सत्य हो।

"दुर्गा सप्तसती" पाठबाट अभीष्ट लाभ पाउनको लागी पाठ पूर्व देवी कवच, अर्गला स्तोत्र तथा किलक को पाठ गर्नु पर्ने विधान पनि छ। यो सम्बन्धमा तन्त्र ग्रन्थमा भनिएको छ:- कवच सप्तसतीको बीज रुप हो, अर्गला उसको शक्ती हो र किलक विध्न बाधाहरुको निरोधक हो। यि तिनै पाठको साथमा गरिएको सप्तसती पाठ मात्र फलदायक हुन्छ। अत: प्रथम यी तिनवटै पाठ प्रस्तुत गरिएको छ।

पाठ नियम

दुर्गा सप्तसती पाठकले केही खास नियमहरु पनि अपनाउनु पर्ने हुन्छन् जो यस प्रकार छन्:-

• मनलाई एकाग्र गरेर माता अम्बाको ध्यान गर्दै श्रदापूर्वक पाठ गर्नु पर्छ।
• पाठ मधुर स्वरमा गर्नु पर्छ। अक्षरहरुको उच्चारण स्पष्ट तथा यथासम्भव एकै लयमा हुनु पर्छ।
• उच्चारणमा सिघ्रता गर्नु, पाठको गर्दा टाउको हल्लाउनु तथा पाठको बीचमा कसैसँग बातचीत गर्नु जस्ता दोषहरुलाई त्याग्नु पर्छ।
• पाठ गर्दा अर्थलाई बुझेर देवीको महिमासँग पुलकित हुनु पर्छ।
• पाठ कण्ठ भए पनि पूस्तकलाई अगाडी राख्नु पर्छ, जसले गर्दा विस्मरण तथा पाठको अशुद्धीबाट बचाउ हुन सक्छ।
• यदी कुनै कारणवस पाठलाई बीचमा छोड्नु परेमा पाठलाई पुन: प्रारम्भबाट पढ्नु पर्ने हुन्छ।
• अनिवार्य रुपले पाठ शुद्ध हुनु पर्छ। अशुद्ध गर्नाले पाठ गरेको आधा फल नष्ट हुन्छ।
• प्रत्यक अध्यायको समाप्तीमा 'इती', 'वध', 'अध्याय', तथा 'समाप्त' जस्ता शब्दहरुको उच्चारण कहिल्यै पनि गर्नु हुदैन। प्रत्यक अध्यायको समाप्तीमा यस प्रकार भन्नु पर्छ:- श्रीमार्कण्डेयपुराणे सावर्णिके मन्वन्तरे देवीमाहत्म्ये (प्रथम:, द्वितीय:, तृतीय: आदि) ॐ तत्सत्।
• सप्तसती स्तोत्रको पाठ मानसीक नभएर स्पष्ट शब्दमा हुनु पर्छ।
• सप्तसती पाठलाई छिटो सिद्धाउने हतार तथा चित्त चंचलतामा नियन्त्रण राख्नु पर्छ।
  Source: Wikibook 
  

के भूत-प्रेत हुन्छन् ? हुन्छन् भने कहाँ हुन्छन् ?, Episode 1081