मानव कल्याण मित्र मंच नेपालको प्रथम विशेष साधारण सभा सम्पन्न

फागुन १२,  बुटवल। 

मानव कल्याण मित्र मंच नेपालले आज तिलोत्तमाको दरवार लान पार्टी प्यालेसमा आफ़्नो पहिलो विशेष साधारण सम्पन्न गरेको छ। यस  सभाले  संस्थालाई विभिन्न शाखा उपशाखा खोल्नको लागि आफ्नो विधानमा सुधार गर्ने अनुमति दिएको छ। विभिन्न स्थानबाट शाखा खोल्न माग भएतापनि विधानमा सुधार नगर्दा सम्भव भएको थिएन।   

संस्थाले विगत ५ वर्ष देखि विशेष गरी प्रवास भारतमा अलपत्र परेका अलपत्र महिला, पहिचान बिना भारतक अनाथ बालकेन्द्रमा अलपत्र बालबालिकाहरुललाई नेपाल स्थित स्थानीय प्रशासन तथा प्रहरी प्रशासनकोरोहवरमा घर परिवारमा  जिममा लगाई पुनर्मिलन गर्ने कार्य गर्दै आएको छ। 

यस संस्थाका संस्थापक तथा वर्तमान अध्यक्ष दुर्गा प्रसाद अर्यालले विगत ३० औं वर्षदेखि भारतको दिल्लीबाट यस्तै मानवीय सेवा गर्दै आउनुभएको छ। प्रवासी नेपाली मित्र मंच नेपालको नाममा विगत देखि हजारौँ अलपत्र बालक, पिडित महिला, दुखि गरीबको  उद्धार गरी नेपाल पठाई परिवारमा मिलन गराउन प्रवासी नेपाली मित्र मंच भारतको नाममा भारतीय रेल्वेको जागीरबाट समय निकालेर नेपालीको सेवामा आफ्नो जीवन लगाउनुभएको थियो । हाल आएर भारतको संस्था प्रवासी नेपाली मित्र मंच को नाम परिवर्तन गरी मित्र मंच मानव कल्याण भारत परिवर्तन गरिएको छ।  

संस्थामा आवद्ध हुन साधारण सदस्यता तथा आजीवन सदस्यता लिन सकिने अध्यक्ष अर्यालले बताउनुभयो।  संस्थाले छिट्टै राष्ट्रिय रुपमा काठमाडौँमा कार्यक्रम गर्ने योजना बनाएको संस्थाका संरक्षक पुरुषोत्तम भट्टराईले बताउनुभयो।