Saturday, September 29, 2018

यो जगतको सबैभन्दा सुन्दर वस्तु के होला ? , Episode 1010

Thursday, September 27, 2018

गुगलको २० औं जन्मदिनः दुई साथी मिलेर बनाएका थिए यो सर्च इन्जिन, यसरी भयो जन्म

इन्टरनेटको सबैभन्दा ठूलो सर्च इन्जिन गुगलको आज २० औं जन्मदिन हो । २० औं जन्मदिनको अवसरमा गुगलले एउटा विशेष डुडल बनाएको छ । साथै गुगलले एउटा भिडियो बनाएको छ जसमा गुगलको पूरा यात्रा देखाइएको छ ।

गुगलको सुरुवात दुई विद्यार्थीले गरेका थिए । लेरी पेज र सर्जी बिन सन् १९९५ मा स्ट्यानफोर्ड युनिभर्सिटीमा पिएचडी गरिरहेको थियो । गुगल उनीहरुको एउटा कलेज प्रोजेक्ट थियो । उनीहरुले Google.stanford.edu एड्रेसमा एउटा इन्टरनेट सर्च इन्जिन बनाए । सुरुमा यसको नाम BackRub राखिएको थियो जसलाई पछि गुगल नाम दिइयो ।

सन् १९९५ सेप्टेम्बर १५ मा डोमेन रजिस्टर भयोः

गुगल डट कमको डोमेन यद्यपी सन् १९९५ सेप्टेम्बर १५ तारिखमा रजिस्टर गरिएको थियो । यो हिसाबले गुगलको जन्मदिन सेप्टेम्बर १५ मा हुनुपर्दथ्यो । यद्यपी, सर्च इन्जिनका संस्थापक लेरी पेज र सर्जी बिनले सन् १९९८ सेप्टेम्बर ४ मा गुगललाई एक कम्पनीको रुपमा रजिस्टर गर्यो र कम्पनीको नाममा पहिलो बैंक अकाउन्ट पनि खोलियो । यो हिसाबले सेप्टेम्बर ४ मा पनि गुगलको जन्मदिन मनाउन सकिन्छ ।

गुगल आफैंलाई थाहा छैन आफ्नो जन्मदिनः

गुगलले अहिलेसम्म चार भिन्न तारिखमा आफ्नो जन्मदिन मनाइसकेको छ । गुगलको १५ औं जन्मदिनमा गुगललाई आफ्नै जन्मदिन कहिले हो भन्ने थाहा नभएको स्विकार गरेको थियो । गुगलले सेप्टेम्बर सात, सेप्टेम्बर आठ, सेप्टेम्बर २६ र सेप्टेम्बर २७ तारिखमा आफ्नो जन्मदिन मनाएको छ । सन् २००२ मा गुगलले २७ सेप्टेम्बरमा आफ्नो चौथो जन्मदिन मनाएको थियो । त्यसको अर्को वर्ष सेप्टेम्बर सातमा र त्यसको अर्को वर्ष सेप्टेम्बर आठमा गुगलले आफ्नो जन्मदिन मनायो । यद्यपी, सन् २००६ देखि अहिलेसम्म गुगलले २७ सेप्टेम्बरमा नै आफ्नो जन्मदिन मनाउँदै आएको छ ।
एजेन्सी

Saturday, September 22, 2018

शंखेकिरा किन्दै सरकार

प्रकाश नेपाल पाल्पा, ५ असोज ।

रामपुर नगरपालिका ६ तिलकपुर मिलनचोकका किराना व्यवसायी घनश्याम खनाललाई यति बेला शंखेकिराको तौल नाप्न र पैसा दिन भ्याई नभ्याई छ । उनी मात्रै होइन वडा नं. ६ तालपोखराका खेमराज ढकाल, चारपाटेका ज्ञानुमाया कुमाल र बुल्टारका एकराज पंगेनीको पनि अवस्था उस्तै छ ।
एकाबिहानै पसल खोल्दा वरपरका स्थानीयहरू शंखेकिरा बिक्रीका लागि जम्मा गरेर ल्याएको किराको पोका बोकेर उनको पसल अगाडि पुगि सक्छन् । वडा भित्रबाट संकलन गरेर ल्याएको किराको तौल नापेर उनीहरूले प्रति केजी २५ रूपैयाँका दरले खरिद गरी निश्चित स्थानमा संकलन गर्दछन् । तपाईलाई लाग्न सक्छ शंखेकिरा कुनै प्रयोजनका लागि खरिद गरिएको होला । वास्तविकता यो नभई शंखेकिराको प्रकोपले वडाका कृषकहरूको खेतीबालीमा क्षति पु¥याएकाले रामपुर नगरपालिका ६ वडा कार्यालयले दिएको संकलनको जिम्मेवारी उनीहरूले बहन गरेका हुन् ।हाल वडा ६ ले अभियान चलाएर गत असोज १ बाट शंखेकिराको निराकरणका लागि ४ स्थानका संकलन केन्द्र मार्फत २५ रूपैयाँ प्रति केजीका दरले शंखेकिरा खरिद गरिरहेको छ । शंखेकिरा नियन्त्रणमा नआउँदा किसानलाई मर्का परेको भन्दै स्वर्तर्फुत शंखेकिरा टिपेर दिनेलाई प्रोत्साहन गर्नुका साथै निराकरणका लागि वडाले खरिद अभियान सञ्चालन गरेको हो । वडाले शंखेकिरा नियन्त्रणका लागि अभियान थाले संगै स्थानीय कृषकहरू खुशी भएका छन् । रामपुर नगरपालिकाको विशेष गरी वडा ६ र ७ का स्थानहरूमा शंखेकिराको प्रकोप बढ्दै गएको पाईन्छ । जसका कारण तरकारी, अन्न बाली नष्ट गर्नुका साथै पशुहरूमा संक्रमण बढ्दै गएपछि किसानहरू निरास भएका थिए । कृषक धनश्याम देवकोटाले ३ वर्ष यता प्रकोप निकै बढेकाले बाली नष्ट पारिदिने जस्ता समस्याले निकै सास्ती दिएको बताए । उनले भने वडाले चालेको कदमले केही राहत महसुश भएको छ ।
रामपुर नगरपालिका ६ मिनचोककी सीता देवकोटाले पनि शंखेकिराका कारण तरकारी बाली केही फैलन नसकेको बताईन् । उनले संकलन अभियानको प्रशंसा गर्दै यसबाट दोहोरो फाईदा हुने भएकाले खुशी लागेको बताईन् । मिलन चोक संकलन केन्द्रका संकलक धनश्याम खनालले संकलन अभियानमा बालक देखि वृद्ध सम्म उत्साहित भएर लागेको बताए । ‘आफ्ना बालीलाई त फाईदा पुग्छ नै साथमा आम्दानी पनि हुने भएपछि वडाका स्थानीयले खोजीखोजी ल्याउने गरेका छन् । साथै संकलनबाट आएको पैसाले बालबालिकाहरूले पढाई खर्च समेत जुटाएका छन् । प्रौढहरूले पनि आवश्यक सामान किनेर लैजाने गरेका छन् ।’ खनालले भने ।
वडा ६ का वडा सचिव बासुदेव ढकालले वडाको विपद व्यवस्थापन तर्फको रकमबाट कार्यक्रम सञ्चालन गरिए पनि स्थानीयको उत्साह सँगै सो रकमले नपुग्ने देखिएको बताए । उनले यसका लागि झण्डै १ लाख आवश्यक पर्ने अनुमान गरिएको बताए । संकलन भएका किराहरूलाई नुनको प्रयोग गरेर मारी निश्चित स्थानमा खाडल खनेर नष्ट गर्ने गरिएको छ ।
वडा ६ का वडा अध्यक्ष हुमनाथ न्यौपानेले गत वर्ष किसानहरूको मागका आधारमा किरा नियन्त्रणका लागि नुन वितरण गरिएको र नुनले मात्रै सम्भव नहुने भए पछि वडाले खरिद गरी उचित स्थानमा व्यवस्थापन गर्ने निर्णय अनुसार संकलन सुरु गरिएकोे बताए ।
किरा नियन्त्रणका लागि स्थानीयले केही वर्ष अघि सम्म प्लाष्टिकमा जम्मा गरी सडकमा गाडीको प्राङ्ग्राले कुचाएर नियन्त्रणको प्रयास पनि गरेका थिए । शंखेकिरा मारेर जथाभावी दुर्गन्धले अर्काे जोखिम निम्त्याउन सक्ने भन्दै वडा कार्यालयले कृषि शाखाको सल्लाहमा नियन्त्रणका लागि यो उपाय अपनाएको हो ।

Source:Butwal Today

Friday, September 21, 2018

English Nepali Visual Dictionery

नेपाली किराहरुको अंग्रेजी नाम के होला र अंग्रेजी नामको नेपालीमा के हुन्छ होला भन्ने कौतुहलता जाग्ने गर्छ भने यहा दिएको भिडियो हेर्नुभयो भने केहि हद सम्म पुरा हुनसक्ने छ।