रूपन्देही सोसल नेटवर्क अष्ट्रेलियाले म्युजिकल नाईट कार्यक्रम गर्दै

सिड्नी, अष्ट्रेलिया

रूपन्देही समाजिक सञ्जाल अष्ट्रेलियाले सेप्टेम्बर २२ शनिबारको दिन सिड्नीमा एक म्युजिकल नाईट कार्यक्रम आयोजना गर्ने भएको छ ।  २०१५ मा स्थापित यो संस्थाले यस अघि पनि एउटा यस्तै भव्य कार्यक्रम आयोजना गरेको थियो ।

’म्युजिकल नाईट विथ डिनर’ नाम राखेको यो कार्यक्रमका लागि चर्चित कलाकारहरू शमिर आचार्य, मिलन अमात्य, निशान भट्टराईहरूको साथ साथै गायक रमन रेग्मी र गायिका रिना अधिकारीको बेजोड प्रस्तुती हुने भएको छ । बिदेशी भूमिमा बसेर पनि आफु जन्मिएको हुर्किएको ठाउमा केही गर्ने उद्देश्य राखेको यो संस्थाले अरू थुप्रै कार्यक्रमहरू आयोजना गर्दै आएको छ ।

नेपाली संगीतिक परिवेशमा आफनो बेग्लै छबि बनाउदै आएका गायक शमिर आचार्य, सुरिलो स्वरकी अनि सबैकी प्रिय गायिका मिलन अमात्य, र प्रथम नेपाल आईडलका फस्ट रनर अप गायक निशान भट्टराईले प्रस्तुती दिने यो कार्यक्रममा अरू भन्दा अलिक बेग्लै किसिमको हुने यस संस्थाका अध्यक्ष कृष्ण गैरेले बताए ।

नेपालका बिभिन्न भागमा रहेका अपाङ्ग र पिछाडिएका बर्गलाई उत्थान गर्ने उद्देश्य राखेको यो कार्यक्रमको प्रवेश शुल्क ७५ डलर (भीआईपी) र ४० डलर समान्य रहेको र त्यसमा डिनर (थ्रि कोर्स मिल) फ्रि रहेको गैरेले बताए । बिदेशी भूमिमा बसेर पनि आफु जन्मेको ठाउमा केही गर्ने उद्देश्य राखेको यो संस्थाले अरू थुप्रै कार्यक्रमहरू आयोजना गर्दै आएको छ ।